გეოგრაფიული მდებარეობა

აფხაზეთის ავტონომიური რესპუბლიკა მდებარეობს საქართველოს ჩრდილო-დასავლეთ სანაპიროზე, მისი ჩრდილოეთი საზღვარი კავკასიონის ქედის მთავარ ქედს მიუყვება. სამხრეთიდან და სამხრეთ-დასავლეთით ესაზღვრება შავი ზღვა, ხოლო ჩრდილო-დასავლეთ საზღვარს მდინარე ფსოუ, ხოლო აღმოსავლეთ საზღვარს სვანეთ-აფხაზეთის ქედი და მდინარე ენგურია. აფხაზეთის ავტონომიური რესპუბლიკა მოიცავს 8700 კვადრატულ კილომეტრ ფართობს, რაც საქართველოს მთელი ტერიტორიის 12,5%-ის ტოლია. მისი ადმინისტრაციული დედაქალაქია სოხუმი, ოფიციალური ენები კი ქართული და აფხაზურია. ავტონომიური რესპუბლიკა დაყოფილია ხუთ რაიონად და სამ ქალაქად: სოხუმი, ოჩამჩირი, გულრიფში, გუდაუთი, გალი, გაგრა და ტყვარჩელი. რაიონები დასახელებულია მათი შესაბამისი მდებარეობის მიხედვით რესპუბლიკაში.აფხაზეთის მოსახლეობას წარმოადგენენ ქართველები, აფხაზები, რუსები, სომხები, ბერძნები, ებრაელები, უკრაინელები, ესტონელები. უმაღლესი მწვერვალია დომბაი-ულგენი, რომლის სიმაღლეა 4046 მეტრი. აფხაზეთშია ასევე მსოფლიოში ყველაზე ღრმა *კარსტული* მღვიმე სახელად კრუბერი რომლის სიღრმეა 1190 მეტრი. უდიდესი ტბაა რიწა. უდიდესი მდინარეები — ბზიფი და კოდორი. მსოფლიოში ყველაზე პატარა მდინარე სახელად რეპრუა რომელიც 18 მეტრი სიგრძისაა.